Les mots surlignés font l'objet d'une note
1Monsieur, hier passa icy ung gentilhomme de monsieur de
2Nevers sen allant à la court avec lettres et charge expresse
3ainsi quil me dict pour obtenir de leurs majestez que la
4compaignye de Monsieur de Lessin soit pour encores entretenue ;
5qui me faict estimer quelle le pourra estre par la faveur
6et recommandation susdites avec l’instance quen faict ledict sieur de
7Lessin qui auroit laissé la charge de ladite compaignye au
8sergent Marchant, auquel aussi mondict sieur de Nevers a faict
9lentretenir pour encores, attendant la responce quil en aura
11de la court ; et se trouvant ja icy ledict sergent avec le
12commisaire Bresson en deliberation davoir à ensuivre ce
13que dessus, ilz mont prié vous faire la presente en tesmoignage
14de ce que ma dict le gentilhomme susdit, afin quil vous plaise
15pour ce regard et pour lamitié que portez audit sieur de Lessin, permettre
16et avoir agreable que ladite compaignie sentretienne encores
17attendant responce et resolution, es environs de Vienne où je
18leur ay dict que jestimois que nen seriez poinct marry, confiant
19cela de vostre susdite amitié audict sieur de Lessin ; qui est tout ce
20que je vous diray, après mes humbles recommandations à votre
21bonne grace, je supplie le Createur vous donner,
22Monsieur, en parfaicte santé et prosperité tres longue
23Vye. De Lyon, le XIIIe septembre 1571
24Votre plus afeccionné à vous fere servise
25Mandelot